Aluminium Rate Lists (Economy Fix Glazing)

Surah Al-Kafiroon - Arabic Text

بِسْمِ اللّٰهِ الرَّحْمٰنِ الرَّحِیْمِ قُلْ یٰۤاَیُّهَا الْكٰفِرُوْنَۙ(۱) لَاۤ اَعْبُدُ مَا تَعْبُدُوْنَۙ(۲) وَ لَاۤ اَنْتُمْ عٰبِدُوْنَ مَاۤ اَعْبُدُۚ(۳) وَ لَاۤ اَنَا عَابِدٌ مَّا عَبَدْتُّمْۙ(۴) وَ لَاۤ اَنْتُمْ عٰبِدُوْنَ مَاۤ اَعْبُدُؕ(۵) لَكُمْ دِیْنُكُمْ وَ لِیَ دِیْنِ۠(۶)

ABU BAKR SIDDIQ - 06

صدیق اکبر  کے القابات

            آپ رَضِیَ اللہُ تَعَالٰی عَنْہکے دو لقب زیادہ مشہور ہیں عتیق اور صدیق ۔نیز عتیق وہ پہلالقب ہے کہ اسلام میں سب سے پہلے اس لقب سےآپ رَضِیَ اللہُ تَعَالٰی عَنْہ کوہی ملقب کیاگیاآپ رَضِیَ اللہُ تَعَالٰی عَنْہسے پہلے کسی کو اس لقب سے ملقب نہیں کیاگیا۔                                                                                               (الریاض النضرۃ، ج۱،ص۷۷)

’’ عتیق‘‘ لقب کی وجوہات

جہنم سے آزادی کے سبب عتیق

            (1)حضرتِ سیدناعبداللہ بن زبیر رَضِیَ اللہُ تَعَالٰی عَنْہسے روایت ہے کہ امیرالمومنین حضرت سیدنا ابوبکر صدیق رَضِیَ اللہُ تَعَالٰی عَنْہکا نام’’ عبداللہ‘‘ تھا،نبیٔ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّمنے انہیں فرمایا: ’’اَنْتَ عَتِیْقٌ مِّنَ النَّارِتم جہنم سے آزاد ہو۔‘‘ تب سے آپ رَضِیَ اللہُ تَعَالٰی عَنْہکا نام عتیق ہوگیا۔            (صحیح ابن حبان ، کتاب اخبارہ عن مناقب الصحابۃ، ج۹، ص۶)

           ام المو منین حضرت سیدتنا عائشہ صدیقہرَضِیَ اللہُ تَعَالٰی عَنْہَاسے روایت ہے فرماتی ہیں :   میں ایک دن اپنے گھر میں تھی، رسول اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم اورصحابۂ کرام عَلَیْہِمُ الرِّضْوَان صحن میں تشریف فرماتھے، میرے اور ان کے مابین چارپائی رکھی تھی، اچانک میرے والد گرامی امیرالمومنین حضرت سیدنا ابوبکر صدیق رَضِیَ اللہُ تَعَالٰی عَنْہ تشریف لےآئے توحضور نبیٔ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ان کی طرف دیکھ کراپنے اصحاب سے ارشاد فرمایا: ’’مَنْ أرَادَ أنْ يَنْظُرَ إلٰى عَتيقٍ مِنَ النَّارِ فَلْيَنْظُرْ إِلٰی أبي بَكْر یعنی جسے دوزخ سےآزاد شخص کو دیکھنا ہووہ ابوبکر کودیکھ لے۔‘‘ اس کے بعدسے آپ عتیق مشہور ہوگئے۔(المعجم الاوسط ، من اسمہ الھیثم، الحدیث: ۹۳۸۴، ج۶، ص۴۵۶، معرفۃ الصحابۃ لابی نعیم، معرفۃ نسبۃ الصدیق۔۔۔الخ، الرقم:۵۹، ج۱،ص۴۸)

حسن وجمال کے سبب عتیق

          (2)حضرت سیدنا لیث بن سعد،حضرت سیدنا امام احمد بن حنبل،علامہ ابن معین اور دیگر کئی علمائےکرام رَحِمَہُمُ اللہُ السَّلَام  فرماتے ہیں کہ’’إِنَّمَا سُمِّيَ عَتِيْقاً لِحُسْنِ وَجْهِهیعنی آپ رَضِیَ اللہُ تَعَالٰی عَنْہکوچہرے کےحسن وجمال کے سبب عتیق کہا جاتا ہے۔‘‘امام طبرانی قدس سرہ النورانینے حضرت سیدنا عبد اللہ بن عباس رَضِیَ اللہُ تَعَالٰی عَنْہسے روایت کی ہے کہ آپ رَضِیَ اللہُ تَعَالٰی عَنْہکو چہرے کے حسن وجمال کے سبب عتیق کہا جاتا تھا۔(المعجم الکبیر، نسبۃ ابی بکر الصدیق واسمہ، الحدیث: ۴، ج۱،ص۵۲،اسد الغابۃ، باب العین، عبد  اللہ بن عثمان ابوبکر الصدیق،ج۳،ص۳۱۶،تاریخ الخلفاء، ص۲۲)

خیرمیں مقدم ہونے کے سبب عتیق

          (3)علامہ ابو نعیم فضل بن دکین عَلَیْہِ رَحمَۃُ اللہِ الْمُبِیْن فرماتے ہیں :’’سُمِّيَ بِذٰلِكَ لِأَ   نَّه قَدِيْمٌ فِي الْخَيْریعنی خیرو خوبی میں سب سے پہلے اور دیگرافراد سے مقدم ہونے کی وجہ سے آپ کو عتیق کہا جاتا ہے۔‘‘

(الریاض النضرۃ،   ج۱،ص۷۸،تاریخ الخلفاء، ص۲۲)

نسب کی پاکیزگی کے سبب عتیق

          (4)حضرت سیدنا زبیر بن بکارعَلَیْہِ رَحمَۃُ اللہِ الْغَفَّار اور ان کے ساتھ ایک پوری جماعت نے بیان کیا ہے کہ :’’إِنَّمَا سُمِّيَ عَتِيْقاً لِأَ  نَّهُ لَمْ يَكُنْ فِيْ نَسَبِهٖ شَيْءٌ يُعَابُ بِهیعنی حسب ونسب کی پاکیزگی کہ وجہ سے آپ کوعتیق کہاجاتاہے کیونکہ آپ کے نسب میں کوئی ایسی کمزوری نہیں تھی جس کی وجہ سے آپ کی عیب جوئی کی جاتی۔‘‘

(تاریخ الخلفاء،ص۲۲،اسد الغابۃ،باب العین، عبد اللہ بن عثمان ابوبکرالصدیق،  ج۳،ص۳۱۶)

والد کے نام رکھنے کے سبب عتیق

          (5)پہلے آپ کا نام عتیق رکھا گیااوربعدمیں آپ کو عبد اللہ کہاجانے لگا، حضرت سیدنا عبد الرحمٰن بن قاسم رَضِیَ اللہُ تَعَالٰی عَنْہ اپنے والد سے روایت کرتے ہیں کہ انہوں نے ام المومنین حضرت سیدتنا عائشہ صدیقہ رَضِیَ اللہُ تَعَالٰی عَنْہَاسے پوچھا:’’آپ کے والد ابوبکر کا نام کیاہے؟‘‘انہوں نے کہا:’’عبد اللہ‘‘۔عرض کیا:’’لوگ تو آپ کو عتیق کہتے ہیں ؟‘‘ فرمایا:’’میرے دادا ابو قحافہ کے تین بچے تھے۔ آپ نے ان کے نام عتیق ، معیتق، اورمعتق رکھے۔‘‘

(المعجم  الکبیر، نسبۃ ابی بکرالصدیق واسمہ،الحدیث: ۶،ج۱،ص۵۳)

ماں کی دعا کے سبب عتیق

          (6)حضرت سیدنا ابوطلحہ رَضِیَ اللہُ تَعَالٰی عَنْہسے پوچھا گیاکہ ’’حضرت سیدنا ابوبکر صدیق رَضِیَ اللہُ تَعَالٰی عَنْہکو عتیق کیوں کہاجاتاہے؟‘‘ توآپ نے فرمایا: ’’آپ کی والدہ کاکوئی بچہ زندہ نہیں رہتا تھا،جب آپ کی والدہ نے آپ کو جنم دیاتو آپ کو لے کر بیت اللہ شریف گئیں اورگڑگڑاکریوں دعامانگی:اے میرے پروردگار! اگر میرا یہ فرزند موت سے آزاد ہے تو یہ مجھے عطافرمادے۔تواس کے بعدآپ کو عتیق کہا جانے لگا۔‘‘

(تاریخ الخلفاء،ص۲۲،معرفۃ الصحابہ لابی نعیم، معرفۃ نسبۃ  الصدیق العتیق،    ج۱، ص۴۹)

غلبۂ نام کے سبب عتیق

(7)ام المومنینحضرت سیدتنا عائشہ صدیقہ رَضِیَ اللہُ تَعَالٰی عَنْہَاسے روایت ہے کہ ’’وَإِنَّ اِسْمَهُ الَّذِيْ سَمَّاهُ بِهٖ أَهْلُهُ حَيْثُ وَلَدَ عَبْدَ اللہ بْنَ عُثْمَانَ ، فَغَلبَ عَلَيْهِ اِسْمُ الْعَتِيْقیعنی آپ رَضِیَ اللہُ تَعَالٰی عَنْہکا جونام آپ کے گھر والوں نے رکھا وہ عبد اللہ بن عثمان ہے لیکن اس پر عتیق نام غالب آگیا۔‘‘

(معرفۃ الصحابۃ لابی نعیم، معرفۃ نسبۃ الصدیق، ج۱،ص۴۸)

آسمان وزمین میں عتیق

(8)سرکار صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشادفرمایا:’’أَبُوْبَكْر عَتِيْقٌ فِی السَّمَاءِ وَعَتِيْقٌ فِى الْأَرْضِیعنی ابوبکر آسمان مین بھی عتیق ہیں اور زمین میں بھی عتیق ہیں ۔‘‘                           (مسندالفردوس،الحدیث: ۱۷۸۸،  ج۱، ص۲۵۰)

غلام آزاد کرنے کے سبب عتیق

(9)آپ رَضِیَ اللہُ تَعَالٰی عَنْہنہایت ہی شفیق اور مہربان تھے حضرت سیدنا بلال حبشی رَضِیَ اللہُ تَعَالٰی عَنْہکوان کے آقاکے ظلم وستم اور دیگر کئی مسلمانوں کو کفار کے ظلم وستم سے آزاد کروایاتو عتیق کے نام سے مشہور ہوگئے۔

(مرآۃ المناجیح، ج۸،ص۳۴۶)

ان تمام اقوال میں مطابقت

          آپ کے لقب عتیق کے بارے میں جتنے بھی اقوال ذکر کیے گئے ان تمام میں کوئی تضاد نہیں کہ ہوسکتاہے آپ کے والدین نے آپ کولقبِ عتیق سےکسی ایک معنی میں پکاراہو، اوردیگرلوگوں نے اس معنی میں بھی اور کسی دوسرے معنی میں پکارا ہو۔پھر قریش میں وہی مستعمل ہوگیا، اور پھر یہ اتنامشہور ہوگیاکہ اسلام سے پہلے بھی اوربعد میں بھی باقی رہا۔ لہٰذا مختلف معانی کے اعتبار سے تمام کاآپ کو عتیق پکارنا درست ہوا۔                              (الریاض النضرۃ، ج۱،ص۷۸)

یقینا مَنبع خوفِ خدا صِدّیقِ اکبر ہیں

حقیقی عاشقِ خیرُ الوریٰ صدّیقِ اکبر ہیں

نہایت مُتقی و پارسا صِدّیقِ اکبر ہیں

تقی ہیں بلکہ شاہِ اَتقیا صِدّیقِ اکبر ہیں

Hazrat Abu Bakr Siddiq (رضی اللہ تعالٰی عنہ)

1. ·       Aashiq e Akbar (رضی اللہ تعالٰی عنہ) Ka Ishq Dekhiye
2. ·       Hazrat Abu Bakar Siddique Ki Infiradi Koshish
3. ·       Hazrat Abu Bakar Siddique Ki Akhri Khawahish
4. ·       Hazrat Abu Bakar Siddique Ka Nara
5. ·       Awwaliat Abu Bakar Siddique Kay Liye
6. ·       Shan e Siddiq e Akbar Bahadees e Shah e Bahr o Bar ﷺ
7. ·       Aap Such Hi Boltay Thay
8. ·       Abu Bakr Kyun Kaha Gaya
9. ·       Sab Say Aala o Arfa Sahabi
10. ·       Rozi Halal Honi Chahiye
11. ·       Aap(رضی اللہ عنہ) Ki Namaz e Janaza Kis Nay Parhai
12. ·       Taruf Sayyiduna Siddiq e Akbar (رضی اللہ عنہ)
13. ·       Siddiq e Akbar Ki Teen Aarzoain
14. ·       Siddiq e Akbar Ka Maqam
15. ·       Asman Kay Farishton Nay Yaar e Ghar Ki Ada Ko Ada Kia
16. ·       Hazrat Abu Bakr Siddique رضی اللہ عنہ Kay Fazail Ka Shumar Nahi
17. ·       Meray Liye ALLAH Aur Us Ka Rasool ﷺ Hi Kafi Hai
18. ·       Khalifa e Awwal Ka Mukhtasar Taruf
19. ·       Ashiq e Akbar Nasal Dar Nasal Sahabi
20. ·       Ashiq e Akbar Ki Shan
21. ·       Ashiq e Akbar Ko Teen Cheezain Pasand Hain
22. ·       Siddiq e Akbar (رضی اللہ تعالیٰ عنہ) Aur Sanp
23. ·       Hazrat Abu Bakar Siddique (رضی اللہ تعالیٰ عنہ) Ki Shan o Azamat
24. ·       Faizan e Siddiq e Akbar (Ep:05) | Ishq e Rasool ﷺ
25. ·       Faizan e Siddiq e Akbar (Ep:04) | Sakhawat e Siddiq e Akbar
26. ·       Faizan e Siddiq e Akbar (Ep:03) | Aajzi Aur Inkisari
27. ·       Faizan e Siddiq e Akbar (Ep:02) | Shan e Sayyiduna Siddiq e Akbar
28. ·      Faizan e Siddiq e Akbar (Ep:01) | Shan e Sayyiduna Siddiq e Akbar

ABU BAKR SIDDIQ - 05

صدیق اکبر کا اسم گرامی

آپ رَضِیَ اللہُ تَعَالٰی عَنْہ کے نام کے بارے میں تین قول ہیں :

پہلا قول، عبد اللہ بن عثمان

آپ رَضِیَ اللہُ تَعَالٰی عَنْہ کا نام عبداللہ بن عثمان ہے۔چنانچہ حضرت سیدنا عبد اللہ بن زبیر رَضِیَ اللہُ تَعَالٰی عَنْہ اپنے والد سے روایت کرتے ہیں کہ حضرت امیرالمومنینسیدنا ابوبکر رَضِیَ اللہُ تَعَالٰی عَنْہ کا نام عبد اللہ بن عثمان ہے۔

(صحیح ابن حبان،کتاب اخبارہ صلی اللہ علیہ وسلم عن مناقب الصحابۃ، ذکر السبب الذی من اجلہ ۔۔۔الخ،الحدیث: ۶۸۲۵، ج۹، ص۶)

دوسرا قول، عبد الکعبہ

(۱)جمہور اہل نسب کے نزدیک آپ رَضِیَ اللہُ تَعَالٰی عَنْہ کا قدیم نام عَبْدُ الْکَعْبَہ تھامشرف بہ اسلام ہونے کے بعد اللہ 1 کے پیارے حبیب صَلَّی اللہُ تَعَالٰی عَلَیْہِ وَاٰلِہٖ وَسَلَّمنے تبدیل فرماکر عبداللہرکھ دیا۔

(الاستیعاب فی معرفۃ الاصحاب، باب حرف العین،عبد اللہ بن ابی قحافۃ ابوبکر 

الصدیق، ج۳، ص ۹۱، الریاض النضرۃ، ج۱، ص۷۷)

(۲)آپ رَضِیَ اللہُ تَعَالٰی عَنْہکے گھر والوں نےعبدالکعبہ نام تبدیل کر کے عبداللہ رکھ دیا۔اور آپ رَضِیَ اللہُ تَعَالٰی عَنْہ کی والدہ ماجدہ جب دعا کرتیں تو یوں کہتیں : ’’یَا رَبَّ عَبْدِ الْکَعْبَۃاے عبدالکعبہکے رب۔‘‘(اسد الغابۃ، باب العین،عبد اللہ بن عثمان ابوبکر الصدیق، ج۳، ص۳۱۵، عمدۃ القاری ،کتاب فضائل الصحابۃ، باب مناقب 

المھاجرین وفضلھم، ج۱۱، ص۳۸۴)

تیسرا قول، عتیق

اکثر محدثین کے نزدیک آپ رَضِیَ اللہُ تَعَالٰی عَنْہ کا نام عتیق ہے۔امام ابن اسحاقرَحْمَۃُ اللہِ تَعَالٰی عَلَیْہ فرماتے ہیں کہ عتیقامیرالمومنین حضرت سیدناابوبکر صدیق رَضِیَ اللہُ تَعَالٰی عَنْہکا نام ہے اوریہ نام ان کے والد نے رکھا۔جبکہ حضرت سیدنا موسی بن طلحہرَحْمَۃُ اللہِ تَعَالٰی عَلَیْہ سے مروی ہے کہ ’’یہ نام آپ کی والدہ نے رکھا۔‘‘

(الریاض النضرۃ،ج۱، ص۷۷)

ان تمام اقوال میں مطابقت

ان تینوں اقوال میں کوئی تضاد نہیں ،مطابقت کی صورت یہ ہے کہ جب آپ پیدا ہوئے توآپ کے والدین نے آپ کا نام عبد الکعبہرکھا،بعدمیں انہوں نے یا سرکار صَلَّی اللہُ تَعَالٰی عَلَیْہِ وَاٰلِہٖ وَسَلَّمنے تبدیل کرکےعبد اللہ رکھ دیا، اور عتیق آپ کا لقب تھا، لیکن اسے نام کی حیثیت حاصل ہوگئی ۔

آپ کی کنیت

آپ رَضِیَ اللہُ تَعَالٰی عَنْہکی کنیت ابوبکر ہے،واضح رہے کہ آپ اپنے نام سے نہیں بلکہ کنیت سے مشہور ہیں ، نیز آپ کی اس کنیت کی اتنی شہرت ہے کہ عوام الناس اسے آپ کااصل نام سمجھتے ہیں حالانکہ آپ کا نام عبد اللہ ہے۔

ابوبکر کنیت کی وجوہات

(۱)عربی زبان میں ’’اَلْبَکْر‘‘جوان اونٹ کوکہتے ہیں ، اس کی جمع ’’اَبْکُر‘‘ اور ’’بِکَار‘‘ہے،جس کے پاس اونٹوں کی کثرت ہوتی یاجس کا قبیلہ بہت بڑا ہوتا یاجواونٹوں کی دیکھ بھال اور دیگر معاملات میں بہت ماہر ہوتا عرب لوگ اسے ’’ابوبکر‘‘کہتے تھے،چونکہ آپ رَضِیَ اللہُ تَعَالٰی عَنْہ کاقبیلہ بھی بہت بڑاتھااوربہت مالداربھی تھےنیزاونٹوں کے تمام معاملات میں بھی آپ مہارت رکھتے تھےاس لیے آپ بھی’’ابوبکر‘‘کےنام سے مشہور ہوگئے۔

(۲)عربی زبان میں اَبُو کا معنی ہے’’والا‘‘اور’’بَکْر‘‘کے معنی ’’اوّلیت‘‘ کے ہیں ،توابوبکر کے معنی ہوئے ’’اوّلیت والا‘‘چونکہ آپ رَضِیَ اللہُ تَعَالٰی عَنْہاسلام لانے، مال خرچ کرنے،جان لٹانے،ہجرت کرنے،حضور کی وفات کے بعد وفات، قیامت کے دن قبر کھلنے وغیرہ ہرمعاملے میں اوّلیت رکھتےہیں اس لیے آپ(یعنی اوّلیت والا)کہاگیا۔ 

 (مرآۃ المناجیح،ج۸،ص۳۴۷)

(۳)’’کُنِیَ بِاَبِی بَکْرٍ لِاِبْتِکَارِہِ الْخِصَالِ الْحَمِیْدَۃِ یعنی آپ رَضِیَ اللہُ تَعَالٰی عَنْہ کی کنیت ابوبکر اس لیے ہے کہ آپ رَضِیَ اللہُ تَعَالٰی عَنْہ شروع ہی سے خصائل حمیدہ رکھتے تھے۔‘‘ 

 (سیرت حلبیۃ،ذکر اول الناس ایمانابہ، ج۱، ص۳۹۰)کوابوبکر

ABU BAKR SIDDIQ - 04

آپ کے قبیلے کے اوصاف

مکہ مکرمہ میں جتنے قبیلے آباد تھے ان میں سے ہر قبیلہ اس وقت کے مناصب میں سے کسی نہ کسی منصب سے ضرور سرفراز تھامثلابنو عبد مناف کے پاس حجاج کرام کے لیے پانی اوردیگرضروریات زندگی مہیاکرنے کی ذمہ داری تھی۔ بنوعبد الدارکے پاس جنگی معاملات اورکعبۃ اللہ شریف کے حفاظتی امور کی ذمہ داری تھی۔ بنومخزوم کے پاس لشکروں کے سپہ سالار ہونے کی ذمہ داری تھی۔ اسی طرح بنوتمیم بن مرہ جو حضرت سیدنا ابوبکر صدیق رَضِیَ اللہُ تَعَالٰی عَنْہکا قبیلہ تھا ان کا کام خون بہا اور دیتیں جمع کرنا تھا۔بنوتمیم کی خصوصیات عرب کے دوسرے قبائل سے مختلف نہ تھیں ان میں بھی وہیاوصاف پائے جاتے تھے جو دوسرے عرب قبیلوں میں پائے جاتے تھے،جرأت ،شجاعت،سخاوت، مروت وہمدردی، بہادری وجفاکشی، ہمسایہ قبائل کی حمایت وحفاظت،معاہدے کی پابندی وغیرہ تمام اوصاف سے بنوتمیم متصف تھے۔

ABU BAKR SIDDIQ - 03

آپ کاسلسلہ نسب

حضرت سیدناعروہ بن زبیررَضِیَ اللہُ تَعَالٰی عَنْہُمَاسے روایت ہے کہ’’ حضرت سیدناامیر المومنین ابوبکر صدیق رَضِیَ اللہُ تَعَالٰی عَنْہکا نام عبد ﷲ بن عثمان بن عامر بن عمرو بن کعب بن سعد بن تيم بن مُرّۃ بن کعب ہے۔‘‘مرہ بن کعب تک آپ کے سلسلہ نسب میں کل چھ واسطے ہیں اور اللہ1کے پیارے حبیب صَلَّی اللہُ تَعَالٰی عَلَیْہِ وَاٰلِہٖ وَسَلَّم کے نسب میں بھی مرہ بن کعب تک چھ ہی واسطے ہیں اور مرہ بن کعب پرجاکر آپ رَضِیَ اللہُ تَعَالٰی عَنْہکا سلسلہ سرکارصَلَّی اللہُ تَعَالٰی عَلَیْہِ وَاٰلِہٖ وَسَلَّم کے نسب سے جا ملتا ہے۔ آپ کے والد عثمان کی کنیت ابو قحافہ ہے، آپ رَضِیَ اللہُ تَعَالٰی عَنْہکی والدہ ماجدہ کا نام اُمُّ الخیر سلمیٰ بنت صخر بن عامر بن عمرو بن کعب بن سعد بن تيم بن مرۃ بن کعب ہے۔ ام الخیر سلمیٰ کی والدہ (یعنی امیرالمومنین حضرت سیدناابوبکر صدیقرَضِیَ اللہُ تَعَالٰی عَنْہکی نانی) کا نام دلاف ہے اور یہی امیمہ بنت عبید بن ناقد خزاعی ہیں ۔ امیرالمومنین حضرت سیدناابوبکر صدیق رَضِیَ اللہُ تَعَالٰی عَنْہکی دادی (یعنی حضرت سیدناابو قحافہ رَضِیَ اللہُ تَعَالٰی عَنْہ کی والدہ)کا نام امینہ بنت عبد العزیٰ بن حرثان بن عوف بن عبید بن عُویج بن عدی بن کعب ہے۔ 

 (المعجم الکبیر، نسبۃ ابی بکر الصدیق واسمہ، الحدیث:۱،ج۱،ص۵۱،الاصابۃ فی تمییز الصحابۃ، ج۴، ص۱۴۴)

نقشہ شجرۂ نسب

• حضور نبیٔ کریم صَلَّی اللہُ تَعَا لٰی عَلَیْہِ وَاٰلِہٖ وَسَلَّم 
• حضرت سیدنا ابوبکر صدیق رَضِیَ اللہُ تَعَالٰی عَنْہ
• حضرت سیدنا عبد اللہ رَضِیَ اللہُ تَعَالٰی عَنْہ 
• ابوقحافہ عثمان (والد) ام الخیر سلمی(والدہ
• حضرت سیدنا عبد المطلب رَضِیَ اللہُ تَعَالٰی عَنْہ عامر صخر
• حضرت سیدنا ہاشم رَضِیَ اللہُ تَعَالٰی عَنْہ عمرو عامر
• حضرت سیدنا عبد مناف رَضِیَ اللہُ تَعَالٰی عَنْہ کعب
• حضرت سیدنا قصی رَضِیَ اللہُ تَعَالٰی عَنْہ سعد
• حضرت سیدنا کلاب رَضِیَ اللہُ تَعَالٰی عَنْہ تیم
• حضرت سیدنا مرۃ رَضِیَ اللہُ تَعَالٰی عَنْہ
• حضرت سیدنا کعب رَضِیَ اللہُ تَعَالٰی عَنْہ
• حضرت سیدنا لؤی رَضِیَ اللہُ تَعَالٰی عَنْہ
• حضرت سیدنا غالب رَضِیَ اللہُ تَعَالٰی عَنْہ
• حضرت سیدنا فہر رَضِیَ اللہُ تَعَالٰی عَنْہ
• حضرت سیدنا مالک رَضِیَ اللہُ تَعَالٰی عَنْہ

حضرت سیدنا مالک رَضِیَ اللہُ تَعَالٰی عَنْہحضرت سیدنا ابراہیم عَلٰی نَبِیِّنَاوَعَلَیْہِ الصَّلٰوۃُ وَالسَّلَام کی ۵۸ویں پشت میں تھے۔